سحابة الوصل ماجادت....... هماليلك
تعبت أخيل البروق ولاامطرت لي سماك

القلب ميّت عطش ....... هاتي تفاصيلك
انتي من البارحه ...!مدري وش اللي وراك؟

أحيان أشوفك قريبه من مراسيلك
وأحياناً يضيع صوتي في متاهة مداك

لاجيت أببعد يشعّ النور في ليلك
وأرمي على راحة الوحده جبين الهلاك

الشوق ( مشتل جدب) مامرّ به سيلك
كنّي أنا الزرع !والساقي قطع عنه ماك

مالله عطا المستحيل يلين به حيلك
ومالله كتب طير حلمي يهتني في فضاك

لارحت أبشكي عليك أجيك وأشكي لك
كني حبيس الدروب اللي غوت منتهاك