12-19-12, 09:24 PM
|
#1 |
| | 
الله يسامح غيبتك ويـش سـوّت
الله يسامح غيبتك ويـش سـوّت
عقبك حياتي مع مماتـي تسـاوت
أضعف همومي في غيابك تقـوّت
وأصغر جروحي بالحشا ما تداوت
ودارٍ بها بسمـة محيّـاك ضـوّت
أركانها عقب انقطاعـك تهـاوت
وذيك الورود اللي بوجدك تـروّت
سقّايها من غاب قامـت تمـاوت
وقصيدي اللـي بالدفاتـر تنـوّت
وزنه تكسّر .. والمعانـي تـلاوت
وصفحات فرْحي يابعدكم تطـوّت
كن السعاده مع كفوفك .. تخـاوت
يا من غيابك داخل القلـب مـوّت
نور الشموع اللي بقربك تضـاوت
سمعي صدى صوتٍ مع الليل صوّت
وين أنت يا خلٍ له الروح هـاوت
فك الحبـال اللـي عليّـه تلـوّت
وأشفْ النفوس اللي بعد ما تشاوت |
|
|
|