عزيزتي آمينه ,,, برافو آختيارك كلاس ومبهر متلك
بخصوص نفق كليفان (نفق الحب) ,,, ويلي لحد هلأ الاكتريه مابعرفوها آنو الجهه اليسرى
من النفق مخبايه بقلب الاشجار المقوسه , لآنو حدو قاعده عسكريه
وهني بلآساس زرعو هلاشجار وبهالديزاين ت يخبو القاعده جواتو
,,, بس شفتي كيف بقا آنو الطبيعه كان آلا حكي آخر !!

وطالما انتي كمان عاشقه لهالاطلال المهجوره متلي
بدي خبرك آنو آصعب شي وقت آعداد هالسلسله مكانت مده الكم شهر
يلي قضيتن في التحضير ,,, ولا الترجمه من الانكليزيه والفرنسيه الى العربيه
ولا اختيار خلفيات وتنسيق والوان الآطلال والخطوط ,,, ولا الفهرست
ولا ترتيب وترقيم الاماكن من الـــ 1 حتى الـــ 120

وآنما آصعبن بالتآكيد كان وقت غربله وتقليل الصورمن( 25 و30) صوره مخزونه عندي
(كنت بطلعن من آهم المواقع العالميه المختصين بالعوالم المهجوره)
الى شي 9 آو 7 صور (للمطرح ال1) ,,, بصراحه كنت بلاقي صعوبه بالغه وقت التقليل من
كتر روعه وندره وجوده الصور والاطلال وتمثيلها الرهيب للواقع ,,, متل :-
{ معبد آنكور وات + كاتدرائيه فيلرس + شاتو دى سانج + بئر سينترا + حديقه الوحوش +
تونيل كليفان + قلعة بوديام + ولا بوتيت سنتيوغ }