ونقول صباح الخير للجميع
,
أحيان وفي غالب الوقت الانسان يخلي الحزن يسيطر عليه
هالشيء مو بيد اي شخص فينا ..
كل انسان له طاقة وقدرة تحمل وإلمام للصعاب ..
يمكن انت تشوفني قوي قدامك عند هالموضوع ..
لكني في داخلي ضعيف ومو قادر اتماسك نفسي ..
اعمل نفسي قوي ولا هزني هالشيء ..
اكون عنادي او اكون مو مستوعب الصدمة ..
لكني بداخلي مليون فكرة براسي ومستغرب ليش ؟
.
.
سبحان الله محد في هالدنيا مرتاح
الكل يجاهد ويتعب ويشقى لاجل لقمة العيش
وهالرزق يا ياخذه بسرعه وراحة او بيتأخر وبيتعب
.
.
قد تشوف شخص بالمنتدى او بحياتك اليومية
تشوفه عايشها مثل ماهي ,
وتناظر وتقول نفسي اكون مثله
ترى مو شرط , الاشخاص او نحن مانظهر كل الجوانب
اللي بحياتنا ومانطلع السلبيات احيان..
لاننا بشكل عام نحاول نتجاهلها ومانثيرها ,
قبل فترة بسيطة كنا نتناقش انا وصديقي هالموضوع
لما سألني كيفك وكيف امورك و و
قمت اقوله الجديد معي
سألني كيف وضعكم في الشركة
قمت اقوله نمشي الحال انا مرتاح و و لكن
مشكلتنا تاخير الرواتب و و فقال يالله حتى انت
مو مرتاح بوضعك وليش ماتقول ..
قلت له خلها على الله مو بذاك الهم عادي تعودت ..
رحنا مطعم وطلبنا طلب وشفت هناك شخص اعرفه
كان كاشير وسالته عن احواله وكذا وكان يشتكي
من سوؤ معاملة زملاءه معه بينما كنا نشوف الابتسامة
بينهم وبين بعض بالمطعم وكأنهم حبايب ...
خرجنا ورحنا بندة نقضي بعض الحاجات وسبحان الله
لما بنحاسب قمنا ندردش مع الكاشير وكيف الوضع هناك
وكان رده بانه مو مرتاح وجايبينه من اخر الدنيا وحاطينه
هنا وطالبهم انهم ينقلونه قريب من بيته على الاقل ..
ويعرف انوا ماعندهم اي مشكلة في نقله لكن يقول
الرئيس المباشر له يرفض هالشيء ..

,
,
سبحان الله هالمواقف كلها حصلت في ليلة واحدة
وتتعدد كذلك ..
,
مو جاي اعطي دروس او فلسفة هنا
لكن اللي ابغى اوصله
ان الانسان لابد يكون عنده قدرة للمواصلة
وتحمل الحياه
مافيه شيء يسوى انك تحزن عليه او تتعب نفسك

عن نفسي رضا الله من رضا الوالدين هذا اهم شيء
عندي والباقي ماعلي منه ..
لانه باقي فأخليه متى ماسمحت لنفسي اني اكون قادر
اني اقاومه
حتى بتعبي وألمي.
عمر الانسان يمضي , ومع زيادة التعب والآلام يكون
مناعته تضعف وقدرته على عدم تحمل المواقف الصعبه
الانهيار السريع ..

يتبع ..