ليلة طويلة من التفكير،، من زمان ما فكرت بهذا العمق
بهذي العقلانية..
قبل كم يوم قريت عن خطة 40يوم.. و كيف ممكن تغير حياتك و أفكارك بهذي الخطة..
و من ذاك اليوم و انا ادون أفكار، و الأشياء اللي ابي إنجازها و اغيرها بحياتي..
انا مابي اتغير.. كثير ناس حرضوني على تغيير أشياء أو منهج انا انتهجه.. لكن كنت قد ما اقدر أوضح لهم.. اني كل شي اسويه عشان نفسي مو عشان شي..
بس في المقابل فيه اشياء لابد تتغير.. صح ماني كاملة حتى لو حاولت اوصل للكمال... بس احاول اعدل أشياء،، احط أشياء في مكانها المناسب،،
في حياتي الشخصيه.. بعد هالعمر.. مرو علي مختلف الشخصيات.. تأثرت و أثرو فيني.. بس مو قد التأثير على الصعيد العملي،، 15 سنة قدرت تصقل شخصيتي و لازالت..
مواجهة الجمهور شي صعب جداً.. خصوصاً على شخصية هادئة غير اجتماعيه.. و خجولة..
مواجهة الجمهور طلعتني من هالدائرة.. و خلتني اتعامل مع جميع الشخصيات.. و احط نفسي مكانهم.. و اتصرف على هذا الأساس..
كل هذا الكم من السنوات.. اكسبني قدرة على التحليل الجيد و المصيب في غالب الأحوال..
لأن العاطفة تلعب دور كبير في حياتنا،، و لاني انسانه عاطفية بطبعي.. ف تحليلي و قراراتي غالباً ما تتأثر بالعاطفة.. و لو اني احاول اتحكم فيها..
بس كل مافي الأمر أني جالسة افكر بذا الليل ،،

و بالمناسبة احب اقول للناس اللي فقدوني .. انا متواجدة لكن بكسل

و تصبحون على ما تحبون