كب كيك وتشيز كيك روووعه حيااااكم

كوب دقيق + 2 ملعقة بكنج بودر كبيرة+ ملعقة صغيرة ملح..تنخل مع بعض..( ممكن تنخليها اكثر من مرة)

بالخلاط: نضرب اثنين بيض مع فانيلا لمن ينفش نحط نص كوب زيت ثم كوب او كوب إلا ربع سكر لمن يمتزج السكر نضيف علبة زبادي واخر شي الدقيق على ثلاث دفعات..

بصينة تشيز كيك 9 بوصة اصغر مقاس..( مهم صينة قابلة للفك)

نصب خليط الكيك..

ثم نضع فوقة الحشو( حشو البسكوت)

وتدخل فرن مسخن ثم يكون بحرارة منخفضة 45/د

لمن تخرج من الفرن نشربها بتوفي الشراب الجاهز وانا سويت توفي بالبيت..( سكر وقشطة بالطريقة المعروفة)

وبعده نصب علية الصوص الابيض..

حشوة البسكوت:

نص بكت بسكوت شاي مكسر كبير

وعلى النار نذوب نص اصباع زبدة ونص كوب سكر بني انا حطيت سكرعادي ملعقة نسكافية وملعقة قرفة

بعد ماتذوب الزبدة مع السكر نضيف كل شي واخر حاجة ظرف كريم كرامل..

الحشو تبدي بتجهيزها قبل ماتبدي بالكيكة..

الصوص الابيض: نص نستلة و4 كيري( تقدري تتحكمي بالسمك حسب الذوق تكثري جبن او تقللي)

انا ماصبيت الصوص الابيض صب لا خليته على شكل خطوط

وبقيت توفي وزينت فيه على الوجه..

لذيذة وحلوة وشكلها مميزة ومناسبة لثاني يوم..

فطرت منها وبنفس الطراوة إذا ماكانت اطيب الاهم مغلفة بشكل جيد

جربيها وانت مطمنة بتعجب الجميع هذي صورتها بصينيه عاديه تبيها كذا او كب كيك

والف عافية عليكم

وانا مزودة سكر بودرة بالاخير

لأني شفتها ناقص وبرضوا طلع ناقص..

وصورة ثانية..