اولاً ،، الله يسلمكم
بس حقيقي مو عارفه انا بخير و الا لسى مريضة ،
بس اللي اعرفه ان المنظر في غرفتي جداً شنيع و هذا ممكن اللي يزيد المرض علي
،، لكن ما علينا ،،
تمر في حياتنا فترات عصيبة ، فترات تحس انك جالس تفني حياتك و روحك على شي زائل ،
تشتغل و تتعب و تتفانى في الشغل و في الاخير تمرض و تطيح و لا شي فايدك ،،
تقابل ناس و تحبهم ، و تعطيهم من خبرتك و حياتك و يروحون و ما تدري يذكرونك بالخير او لا ..!
اقرب الناس لك ممكن انهم ينكرون مجهودك و تعبك في لحظة زعل ، لحظة انهزام و ما تقدر تقول شي ،،
بس في المقابل ، كل يوم في عمرك ، انت تتعلم منه بدون ما تدري ،، تحس بقيمته و يأثر فيك
احنا نعيش و نتعلم ،، نعيش و نفرح ، نعيش و يعيشون ناس معنا ،، نفرحهم و نسعدهم ،،
بس اذا اعطيت من قلب ، احذر تنتظر المقابل ، لانك لو ما لقيته انت بتتدمر ،،
حبيت اتكلم ،، و انا تعبانه ،، لان التعب يطلع من وراه كلام صادق <- فلسفة
اثر فيني مقطع صغير تفرجت فيه بالصدفه في الانستقرام .. رحت بحثت عن اللقاء كامل في اليوتويوب ،،
احب الناس الناجحة ، اللي ما تلتفت وراها و تجلس تحاسب نفسها على نظرة الناس ،،
على هفوة صارت بلحظة ضعف ،، احب الناس اللي تعرف قدراتها صح و تعرف فين توظفها ،،
بس خلصت كلام ، اروح احط فكس و انام شوي <- حالتك صعبة