ما هو يا بنتي يا شامخه اذا من 2017 وانت كما يبدو تعاني من اكتئاب ف مش رح تفرق 2020 كثير.. الحياة مش هيك!
انت مو ناقصك الا أنك تثقي بنفسك وتشعري أنك انسانة أكثر من طبيعية، وأن هالاكتئاب والحيرة يلي عايشاها انت صانعيتها انت مش الحياة.. والله اعلم في سبب لهذا الاحساس عندك، ولكن مش مهم.. الأهم إنك تكوني مقتنعه أنك اللي تمري فيه ممكن يكون أي حد مر فيه ولكن الفرق بينك وبين هالحدى إنه وقف على رجليه وقرر يستمر ويمشي في حياته وما توقف عند نقاط تعتبر - عالاقل برأيي- هي من أقل المصاعب اللي ممكن نواجهها في حياتنا..
يعني يا بنتي بكره بتكبري وتدخلي جامعه ومن ثم تشتغلي بوظيفه وتتزوجي ويجيلك أولاد، كل هالمحطات بتحتاج انسان قوي حتى يعيش هاي المحطات بشكل طبيعي ويقدر يواجه ويتعامل مع صعوبات ورخاء حياته.
وقوة الانسان - قوتك- ما بدها غير نتفة إرادة ( نتفة = شوية) يعني شوية ارادة.. وقرار بينك وبين نفسك أنك تتغيري.. مش تنسي.. وإنك تغيري اهتماماتك وحياتك، يعني تأسسي لمرحلة جايه .. مرحله او مراحل تحتاج نفهم هالحياة وكيف نتعامل معها.
يمكن أني تابعت كل مواضيعك يلي بهالقسم.. بصراحة هي بحد ذاتها مش مشاكل مختلفة ومتعددة، هي عبارة عن مشكلة واحدة: انك مش عارفة تتعاملي مع هالحياة، واللي مكبر هالمشكلة شي واحد بس وهو: أنك تحملي الأمور أكثر من أهميتها.
خذي كل اشي ببساطة، و غيري اهتماماتك ولا تفكري وتركزي ب كل اشي وتعطيه أكبر من حجمه، و رح تكوني بقمة سعادتك..
أقول قولي هذا واستغفر الله لي ولكم.. وربنا يوفقك.