السلام عليكم روحمه الله وبركاته

أولا يا أختي ما فيها شيء لو سويتي حق أخوج أكل يعني انا عن نفسي أشوفه عادي بس شو هو اللي مب عادي انج انتي من بدايه عوديته يعني ما كنتي تقولين له انا مب دوم بسوي لك ونفس انته ما تبا ترقد حتى انا أبا ارقد

ثاني شيء من خلال كلامج حسيته ما يشتغل كله سهر لو كان يشتغل برقد وبريح عمره وباخذ أي شيء من برع

وثالث شيء حسيته مب محشم حد في البيت لا أبوج ولا أمج بعد ضربج وهم موجودين من غير أنه تم يقل أدبه عليج هذا تعرفين شو يباله واير مال الدش يلعب على ظهره لين ما يقول بحشم أهلي ولا راح أضرب خواتي لانه هالنوعيه انا ما اعتبرهم رياييل يوم يستقوي على حرمه

ورابع شيء يا أختي نصيحه مني لا تعاندينه لانه من خلال كلامج احسه عصبي وما عليه من حد في البيت صدقيني بتم يضربج ولا بحشم حد من جي قبل ما تروحين ترقدين سأليه شو تبا اسوي لك وسوي له وجهزيه حقه وعقب روحي رقدي وسكري عليج الباب وسوي له طاف حتى لو دق عليج

والله يحفظج بدنياتج يا أختي

تحياتي لج