اختر خويك من وسط ألف رجال
والعود الأصلي ينعرف لا كويته
بعض العرب يا خوك مظهر وتمثال
والبعض الآخر لا بغيته لقيته
ما يعتذر لك برسالة وجوال
راس بمعازيمك لا من دعيته
يجي على كيفك كما بهار فنجال
حطه على يمناك والبيت بيته
قدم له المعروف وتلقى له أمثال
ولا ترد الطيب إليا بديته
يبشر بعزه والسعد وأطيب الفال
أرخص له من الروح وكل ما غليته
وإلا طرى لك يا خوي سجة البال
احزم على فكسار كل ما بغيته
مر بن علي ولا تجيه مختال
صوب شرورة وتلقى ونيته
بلغ سلامي للخوي عذب الأقوال
وارفع تحياتي إلا منك جيته
ترى الأصابع باليد قصار وطوال
دور على الطيب.. كتابي قريته

وسلامتكم ،،،