. >{ بنت الناس الحشام }<
حمامة قُرْبَها خنافس الجيل حام
قَرّبت مني وقالت كلام مخصوص
نهرته بكلمة وخندس رأسه وشام
درى إن الحمامة جناحها مقصوص
ياحايم على من تحوم في الزحام
قِلَّتْ حياء مقبل والثوب مرصوص
نصيحة اقدمها لكل خاص و عام
العرض كما العقد كامل الفصوص
لا تتركه عِرْضَة وتغفل عنه وتنام
لوترى المتروك تترصد له اللصوص
من لاحافظ على عقده قعد ماقام
وعاش في الذل بحبل محصوص
يا عين المها نصيتي حر وضرغام
كريم سبلا ماهوب للحرام بصوص
راح روحي يحفظك الواحد العلام
ولا تطلعين وحدك خوذيها نصوص
إذاطلعتي وحدك لايصيبك انفصام
خلك قوية يهابك قوي و بعصوص
يا هيه الحرة ما تدور ردي الطعام
نصيحة قدمتها في هذا الخصوص
ياهيه هاذيك بنت الناس الحشام
طيبه وجاية تدور لها على صوص
محتشمة جعل ناويها الشر للعدام
ويجعل ربي عيشته دايم شصوص
الشاعر/ حمد بن فهد المخالدة السبيعي