كل ما حاولت انا التهي في .قصيدة
كتبتها ويطلع لنا عقبها ......... قاف
علامك يا دنياي صرت ي .... عنيدة
وهمومنا ثقلت عقب ما هي اخفاف
ونفسي خابرها بالدواني ..... زهيدة
ما همها غير العوالي ....... ومشراف
ولا همها يا غير بنت ......... البديدة
اللي لها بين المحبين ......... ميقاف
بنت الوفاء دايم بشوفي .... سعيده
لطيفة الهرجات بالقرب ...... ميلاف
احلا سوالفها سوالف ......... خريدة
وانعم من الشيلة على خد واطراف
الياشكيت الشوق تقبل ....... وديدة
والياشكيت البرد صارت لي . الحاف
واليابغيت الراي حلم ...... وسديدة
ما هي من اللي تنشر الشر واخلاف
ولا هي صغيرة سن تجهل .. وغيدة
بل هي هنوف بالمرابيع ..... مرياف
تاخذ وتعطي والسوالف ..... عديدة
تفهم ظروفي زين والترف ما خاف
شديدة نوبات ولا هي .. .. شديدة
في لحظة يصيبنا جرح .... وارعاف
طبيبتي وان كان بيه ......... شريدة
وان مت تفرش لي جناحين وانظاف
ولا هي من اللي يصنعون . المكيدة
ضميرها الابيض كما الثلج ... شفاف
يا ليتها ترعى بدياري ......... مديده
والا لنا معها ربيع .......... ومصياف
خواطري تطري عليه ......... عديدة
احلام يقضة قلتها بزين .. الاوصاف

القارظ العنزي