مدخل :
الدمعة اللي من التاريخ ساحت...
هي نفسها اللي ذوبتني وأنا صلب !
والهيبة اللي خلف الأسوار طاحت...
الله سترها عن أوادم بلا قلب !
..
يهل الغيم دمعه و الألم سكين
... تجرح ملامح هالسما دمعة الياس
أشوفها تشكي ولكن على مين ؟
... يوم الدموع تدوسها أغلب الناس
ألا يا سحايب خلي الدمع بعدين
... لأن البشر صاروا بدون إحساس
خليني أعيشك محبرة بالدواوين
... ولغير رب الكون ما نحني الراس
باكر بتظهر لنا شمس المحبين
... وبنعرف إن أحزاننا مالها ساس
آه يا دمعةٍ هليتها بوسط برلين
... تسوى جميع الجواهر والألماس
واليوم كل منا سلك دربٍ ودربين
... وعشنا على الأطلال وقلنا لا باس
وذكرتها والدمع في محجر العين
... وطاحت الدمعة واختنقت أنفاس
بذيك السنة كنا حبايب وغالين
... إلين ضاع الحب واحترق قرطاس
*
مخرج/
حياتنا مثل المطارات .. ذهاب إياب .. دخول خروج ..حضور غياب ...!
لهالسبب !
الكل منا له طريقه .. ناس غابوا ،،
وما نختلف ..
إن بعضهم .. أصغر من التفكير ،
ولكن نتفق ..!
إن بعضهم .. أكبر من النسيان !