بنت اختي صغيره وعمرها سنتين واربع شهور
,
للاسف هي حامله مرض التكسر -الانيميا-
بالليل ماتنام من كثر الالم وانها تصرخ ..
رحت واخذتها للمستشفى الحكومي واعطوها كريم مرطب
للحساسية وكريم آخر ... المهم اصبحنا نعطيها منه
ولا فائدة البنت تبكي وبالذات وقت النوم
وصعب انها تتكلم او تشكي مازالت صغيرة لكنها
تحدد مكان الالم , ولما تجي وتمسح وتدلك على اقدامها تلاقيها
تسكت , فخلاص معروف مريض التكسر مع البرد
مايتحمله ,
طيب البنت صغيرة , وامها مو كثير معها , بحكم عملها
كدكتورة وغالب وقتها معنا ,
والوالدة الله يحفظها بالكاد تشيل نفسها ..
الدكتور الحكومي يقول طبيعي هالشيء ولازم البنت
تدفى زين وماتلبسوها ملابس حريرية لاجل مايسبب لها
حكة وحساسية ,
طيب هي ماتلبس حرير غالبية ملابسها قطنية ونظيفة
ومغسولة ..
يعطيك كريم ويقولك امشي عليه خلال اسبوعين
لو مانفع تعال نبدلك بثاني..
تروح مستشفى خاص وللأسف أعظم يعطيك مضادات
كثيرة وعلاجات ,
ويسألك كم نسبة التكسر في البنت
ياحبيبي البنت لسة صغيرة وماتوضح النسبة في الاحيان
,
للاسف اخذت العلاج وجيت للوالدة وخبرتها بطريقة
الاستخدام , ونلاحظ البنت لما تاخذه تسكت وتقوم تلعب
ساعة او ساعتين لكن بوجه شاحب
وترجع تنام ... كان لمدة يومين , المهم انا لاحظت هالملاحظة
كلمت امها بنتك كذا وكذا وديتها خاص , واعطوها هالادوية
ورسلتهم لها ..
هنا اختي من الصدمة قالت كيف , وليش يعطيها هالدواء
مابغى اغلط على الدكتور بالمستشفى الخاص
كان عاطيها كورتيزون الخاص للتكسر ,
أمي تستخدمه ولما تاخذه تدوخ فما بالك بطفلة
قالت هذا يهلكها هلك ولا تعطوها منه , لانها اول ماتاخذ
العلاج ترتاح , بعدها يصيبها خمول لانه قوي عليها مره
حتى بأقل جرعة وتنام ...

فليش بعضهم ماعنده ادراك ووعي باللي يعمله
هل سهله هذي الارواح ...