السلام عليكم ورحمة الله

يسعدلي صباحكم يارب
7:15 ص
3-6-1441هـ
الثلاثاء

امس وما ادراك م امس
صبحت بتنكيدة ومسيت وانا فاصلة من الغيظ
صراحة اني الاحد رجعت من الدوام وقعدت لين 4 العصر
نمت وقمت 7 المغرب
وقعدت مواصلة لين مغرب الاثنين
وقسم بالله كنت احس بطاقة مدري من فين جايتني
بس طاقة مع كسل معرف كيف تنشرح دي
للاسف امس انضافت لي مادتين ف الجدول وطار عليا اوف الثلاثاء الي هو اليوم
عندي محاضرة من 9 وتلت الى 11

تدروا امس احكي اختي ع موقف حصل لي وانا استناهم يجوني
حسبت سيارة الوالد هي الي واقفه بعيد ف البرحة
وبعد تردد قررت اروح << طبعا مع غطا الوجه سمو تصير ربشة
ودرعمت والله اطالع ف السيارة اقول غريبة اختي مو فيه
بعدين طالعت عن جهة السايق القى واحد مايشبه بابا
هههههههههههههههه خلاص ياخي بموت مفهية مليون انا
وقلت خليني اعود ادراجي واستنى
بتقولوا ليه م تتصلي طيب .؟
اكتشفت ان الجوال مافيه رصيد
وانا راجعة وقفت ف نص طريق السيارات
يعني سيارة جاية علي انا اقدم للخط التاني ولمن تجي سيارة للخط التاني ارجع للخط الاول

اختي تقول قعدتي تلعبيهم لعبة الخروف القديمة الي ف اللاب
هههههههههههههههههههههههههههههههههه
وقبل اوصل للمبنى لفيت ورايا شفت سيارة تانية تشبه الاولى بس انها ورى شوية ككمان
رحت اتاكد
ههههههههه خلاص خلاص خلاص
رجعت للمبنى وماقعدت استنى
بعد ربع ساعه الوالد يتصل يقول تعالي احنا يسارك
هههههههههههه
حمدلله مالحقوا ع الحفلة الي سويتها

وبس والله اديتكم مغامرة لعبة الخروف القديمة بس باصدار سمو

<< لازم اشوف ابتسامتكم ..!