منتديات مسك الغلا | al2la.com - عرض مشاركة واحدة

**ŢαŢμαŊα** · 01-29-20, 01:50 AM

d تـــراتـيــــل مخمـليــــه ≃ التـرتيلـه الـــ 26 ــــ ≃ آيـــطـــــالــــيـــــاc

ايـطـاليـــــا هيا عشق عمري !!
اكتر بلد بحبو (طبعا بعد بلدي كوردستان) وبحسن قراب من روحي
مبعريف شو السر يلي بيجذبني لهالبلد ؟!! ولشو من زغري بعشقن هالقد ؟!!

مره سالت بيى عن جذورنا : اذا نحنا من اكراد يلي بالاصل عاشو باسيا ،،، ولا من الأكراد يلي كانو باوروبا
وهوى ضحك وقلي : ( نحنا جذورنا واجداد اجدادنا من اكراد اسيا ،،، حتى لو بيكون في احتمال كتير ضئيل يطلعو اجدادنا الاوائل من اكراد اوروبا , ف من المتوقع أن يكونو من روسيا أو أرمينيا ... ف شيلي بقا من راسك قصه ايطاليا ... لانن كتير بعاد عننا ... ومانقربلن بنوب !! )

بس انا مبعريف ليش لما بشوف اي ايطالي اوايطاليه بيحن دمي لالن وبحسن قراب مني او اصحابي ... !!
وبالفعل هني بيشبهونا من اكتريه النواحي ... الشكل ، اجتماعيين ، حبن للحياه والناس ، كرم الضيافه ، الاهتمام الكبير بالفاشن والديكور والطبخ ، الخ
حتى آعلامنا نفس الالوان بس كوردستان افقي وايطاليا عمودي مع اضافه الشمس بوسط الرايه الكورديه

ايطاليا بنضري بلد الحضاره والجمال والاناقه ،،، يلي رح يلمع نجمن بالسما وللابد ... وهني عنوان الابداع والنجاح (واشهر رواد الفنان , الرسم , النحت , العماره , آدباء ومبدعي اوروبا طليانين)

ابتدائا من ... سيزار واوكتافيوس
الرحاله ماركو بولو , الفلكي غاليلو , الفيلسوف ماكيافيلي
مرورا بفناني عصر النهضه ... دافينشي ، مايكل انجلو ، دوناتيللو ، رافايالو ، تيتيان
عمالقه السينما ... ال باجينو ، صوفيا لورين ، كلاوديا كاردينالي ، اورنيلا موتي ، مونيكا بيلوتشي ، ليوناردو دي كابريو ,,, والآوبراليان بافاروتي و أندريا بوتشيلي

الفاشن ... فالانتينو ، ارماني ، روبرتو كافالي ، ماكس مارا ، برادا ، فندي ، غوتشي ، فيرزاتشي ، دولتشي& غابانا ,,, واساطير الرياضه ... مالديني ، توتي ،كانافارو, وبوفون
بعشق آطباق المطبخ الآيطالي ,,, بيتزا , لازانيا ,رافيولي , ريزوتو , تيراميسو , وآكيد المكارون الآيطالي

منتخبن ونواديهن (خاصتا اليوفي) رغم عدم احرازو لاي بطولات جديده ... بس انا بشجعن من كل قلبي ورح ضل شجعن ... ولاد وبنات اعمامي ... بيتتريقو ع اختياري وتشجيعي للاتزوري
وبقلولي :{ تتيانا ... حاجتك بقا تشجيع عمياني ... هلاء بهالزمانات خبرينا مين غيريك بيشجع هالكحيانين والختياريه ، وكمان فاشلين في التهديف}وانا بضحك وبغيضن ... وبقلن: انتو يلي حاجه تعذبو حالكن ،،، ضيعان نصايحكن وتريقاتكن ،،، لو شو متحكو مرح استغني بقا عن الاتزوري !!

ولما بسمع اي غنيه طليانيه أو بشوف اي فيلم ايطالي ،،، بشيل الترجمه الانجليزيه وبركز ع حكياتن وبحاول افهم كلامن ،،، وتقريبا بفهم اكتر من النصف ,,, (لانن قراب من الفرنسيه وفي تشابه بين بعض الكلمات ،،، بس الفرق بيكون بالتلفظ ومخارج الحروف والكلمات )
والغريب بالقصه اني لحديت هلاء مصرلي نصيب ازور هالبلد الرائع رغم انو من إحدى امنياتي ... لانو اهلي بدن نسافر ع غير بلد ... وانا روحي بـــــــ ايــطــاليــــا

✍............. a تـــاتــيـــانــــــا b