<{ هذا خلي ما نيب مطفوق }>
المشتاق يسلم لمن شاف شوقه
وين السلام ياللي تدعي الشوق
المشتاق دوم حلو في منطوقه
دائم يبدل مر الذوق بحلو الذوق
كان قصدك بصدك تقص معلوقه
خاف من الله لا لا تقص المعلوق
شوقك يكفيه النفس المحروقه
تدري عن مدى حبه لك يا شوق
لا عاد تذكر البعد وتنشف عروقه
تشين النفس اليا انشفت العروق
للشيطان مداخل وسهل تسوقه
وترى الحب الصافي نادر السوق
روِّق الشوق تستانس على روقه
لاتزعل ومش حياتك على الروق
شاعرك عايش غروبه مع شروقه
وقت مضى يسوق روحه سوق
كل ما فرح بك جاه شيء يعوقه
لاتكدر خاطرك يالاحق ياملحوق
افرح لاحن الرعد ولاحت بروقه
واقول هذا خلي مانيب مطفوق
الشاعر/ حمد بن فهد المخالدة السبيعي