 |  | |  |
| السلام عليكم ورحمه الله وبركاته
انا متزوجه وعندى ولد عمره سنه و4 شهور احس وقتي كلها في البيت
حتى انحرمت من طلعاتي عند جماعتنا واللى اعزهم من ناسي
زوجي مايساعديني انا اللى اكوى واطبخ وانظف البيت واهتم في ولدي
ماعمري قصرت معه وربي شاهد لكن هلكانه من روتين البيت
واهلى اشوف كل شهور لانهم في منطقه ثانيه انا مو اجتماعيه
علاقاتي سطحيه مع الكل لانه طفشت من البيت
ودى اسافر معه يقول لى ماعندي امكانيه اقول له بس اسبوعين
وعلى اهل يعطيهم ولا يحسب لهم حساب هو صحيح ماقصر معي
لكن كثير يعطي امه وخواته فلوس استغرب من بنات اعمامي وخوالى
معاهم 2 او 3 كل مناسبه يجوا شلون عندهم وقت حياتهم عجزت
ماقدرت انظمها وقتي كلها على نفس الروتين | |
 | |  |
الفاضله / مشاعر شمرية
وعليكم السلام ورحمة الله وبركاته
يعني بيتك كل من يسكنه هم 3 انتي وزوجك وولد سنه واربعه شهور
ومع ذلك وقتك كله في البيت وشغله
اذاً لازم نعرف من يوسخ البيت 24 ساعه اذا عرفتي من وقتها بتتخلصي من كل المشكله
وهو انك تجلسيه وتعطيه قوانين صارمه في المحافظه ع نظافة المكان
بالله عليك كلكم 3 وتبينه يكوي
توك معك ولد واحد اذا معك سبعه باذن الله وش بتعملين
بعرف شغاله
بس حالياً انتي معك واحد فقط وكل وقتك مضيعته رتبي وقتك رتبي شغلك انجزي اول ب اول
وطفلك من الان خليه يتعلم يقلدك ويلم العابه حالياً يعتبرهر لعبه الفكره
من يكبر يكون معتاد
اضافه مو معقوله انتم تمشون البيت كله
مشكلتك الوقت وادارته الطبيعيه
- انجزي شغلك اول ب اول
- حددي يوم للغسيل
- حددي يوم للكوي
- حددي وقت لك تقرين تتابعين فلم او مسلسل تهتمين بنفسك فيه
- حددي وقت لولدك تلعبين معه
ترا حرام اللي تسوينه في نفسك مضيعه وقتك بدون ترتيب
الوقت ادارته تحتاج افعال مو اقوال فقط يوم يومين تعمل نظام لنفسك وتتعودي
اذا رتبتي وقتك وشغلك بتملين من الفراغ
توك معك واحد ومتذمره من الوقت استمتعي بالحياه اطلعي وزوري العالم
اعتادي تكوني اجتماعيه ابتدي بها بين اهله واقاربه
تعرفي ع جاراتك
تقبلي ردي وعبق وردي مع خالص احترامي لسموك
آسيرة حرف