نفس اليوم ونفس التاريخ اللي فوق

دوبهم يصلوا المغرب عندنا
الجو غبار على هواء خفيف
نفسي أسوي أكلات كثيرة مع بعض زي البوفيه
زمااان ما طبخت كذا
اللي مانعني دحين النونو
ان شاء الله اذا كبر شويا في رمضان أسوي هجوم عالمطبخ
وما أبقي أكله في راسي الا وأسويها





تدروا اش جابني هنا ؟
كنت متضايقه أمس
ومن فترة أحس نفسي أفضفض
ومالي طبعاً بعد الله غير هذا المكان الجميل


همسة ~
قررت أبدأ أختم جزء كل يوم من هذا الأسبوع عشان أتعود في رمضان وأختم أكثر من مره


،
سالفه ثانيه ..
شايله هم لا يضغطوا الدروس عالطلاب ونتورط نذاكر لهم عشان تقديم الاختبارات
الله يبعد عننا وعنكم كل شر
مع ان بنتي ودها أنا اللي أشرح لها كل الدروس تفهم مني أكثر من أستاذاتها
عشني أجيب ألعابها وأرصهم وأشرح لها عليهم

الشعب كله مبسوط بالخبر ويدعو انه يصير رسمي وتتقدم الاختبارات
لكن نسيوا انها لو تقدمت فالسبب حيكون انتشار الكورونا
الله يكتب لنا اللي فيه الخير

أنا ما تفرق عندي غير انه لو اختبروا برمضان حرام يروحوا وهما صايمين
حتطير المعلومات