اشتريت بخور الأسبوع هذا بكمية مهولة .. عبيت الدولاب ههههههههه
أحب أبخر كل يوم وعندي عود كثييير لكن حابه أنوع
المهم كل يوم أجرب نوع مختلف
اللي جربته أمس مررره ماعجبني
فيه ريحة قريبه من بخور الهنود
وعشان الريحة مسكت في البيت قمت لبست لبس هندي
وسويت مكياج أسمر ونقطه حمراء في جبهتي
وطبعاً أساور كثيرة وحلق كبير
وأفكر أصرف البخور لأي أحد بدون مايدري زوجي
عشان لا يقول خسرتينا عالفاضي
لحد الآن 3 أنواع ما عجبتني مع انها في المحل كانت حلوه
.. انغشيت يا جماعه ..



اليوم حجرب أغلى بخور وأفخم شيء عشان أعوض حق أمس
متحمسة له < سلامات والله


شفتوا الحركة حقت دهن العود عالجمر ؟
تخلي البيت ريحته عود فترة طويلة
احط الجمره وعليها العود وأنقط فوقها دهن عود
يارب سامحني أم زوجي جابت لولدها دهن عود وأنا اخذته للبخور
مسكين دور له كم يوم وبعدين قلتله ترا أخذته وجالسه استخدمه للبخور
انصدم قال لااا هذا للجسم وغالي ومدري ايش
قلتله طيب روح خذه من الدولاب
وما أخذه ولا أنا اللي رجعته
عاجبتني الحركة ولحد يقول انها قديمة
دوبي أعرفها