| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التــرتيلـــه الـــــ 29 ≃ اللـــيــــــل c
الليـــل ومادراك ما الليـــل !!
مصدر إلهام العباقره والعلماء ... ورفيق العشاق والشعراء والسهارى !!
بحب الليـــل وهدوئو ،،، سكينتو ونجومو
من طفولتي بعشق الليــــل والسما وكنت بتابع النجوم يلي بهروني لئلئاتن وشعشعاتن ,,, بعدني عم أتطلع بالسمــا وبدور بقا ع النجوم ، ياسبحان الله في جاذبيه سحريه عم يشدوني لآلن ، وكأنو الأفكار والطموحات يلي براسي مكتوبين ع سطح السمـــا ومعلقين بواسطه هالنجوم وما بندل لآلن آلا بمجيء الليــــل !!
في الليـــل عم حس براحه عجيبه غريبه ،،، يجوز لانو هوى وقتي المفضل ،،، ويجوز لاني عزبا ومعندي أي التزامات اسريه أو اطفال او ضيوف ،،، لهيك بهالليــــل بقدر امارس هواياتي وطقوساتي متل مابدي .
ويجوز لاني مرتبطه ارتباط روحي بعالم الفلك والطبيعه لهيك عم لاقي الليـــل ملاذي والسمــــا وطني .
في الليــــل بيزيد حسي الإبداعي ، وقدرتي ع تحليل الأمور وإيجاد الحلول للمشاكل ،وفهم الاشياء بعمق وهدوء ، ومرات عم فكر بقا بالغاز فلكيه وأسرار كونيه ،،، وبنام وانا بعدني ماوصلت للحل !!
في الليــــل عم حس بأنو العبادات بتكون صادقه اكتر من اي وقت أخر ،،، خاصتا بليالي القدر من شهر رمضــان المبـــارك ... يلي حابه اقضيهن في حديقه بيتنا وانا متطلعه في السمـــا والنجوم ، رافعه دعواتي وصلواتي لملك الارض والسموات ، ومتأمله رحمه رب العالمين يلي عرشو وجنتو فوق هالسمـــا والنجوم ...
وهون بالفعل في احاسيس ومشاعر مابيتم ترجمتن ولا فيك تعبر عنن بالكتابات ،،، لانك بتحس روحيا انك قريب كتير من الله جل جلاله !!
عكس الليـــل ... بالصباح والنهار عم حس بتعب من الضوضاء والعجقه ، جسمي بيكون مرهق وبالي عطول مشغول ،،، بس لما تهبط المســـا وبتطل الليـــل بيرجع لالي الطاقه والحماس أضعاف الأضعاف ،،، وبتردلي الراحه والصفاء ... وعم كفي تأملاتي السماويه ،،، او بكمل قرايه روايه ،،، او بكتوب في اجندتي ،،، او بلعب ع لابتوبي وانا في المرجوحه ،،،، او يقضي وقتي مع اهلي ،، وبعض المرات عم خطط لجدول العمل وتنظيم المناسبات على مدار الأسابيع والشهر .
بتذكر آول مره آجتني آلهام الكتابه في مدونتي وبالمنتدى كانت بالليـــل (مع آني already عندي آجندا بحياتي الحقيقيه وبدون فيه يومياتي وآهم الخبريات) ,,, وقررت بقا آني آمارس هوايه الكتابه بالمنتدى كمان ,,, وآكتوب مذكراتي وقصصي وهواياتي وتحليلاتي بخصوص كتير اشيا ,,, ومن هون اجتني فكره آنشاء مدونــه زغيره بقب مدونـــه كبيره ,,,,, وتنياتن بآسم تــراتيــل مخمليـــه !!
التراتيل الكبيره والرئيسيه مكونه من { سلسلاتي الحصريه (روائع من الطبيعه + حكايا & آلبومز) ,,, فقره هل تعلم + اللوحات التشكيليه (مع تعاليقي وخواطري الخاصه) ,,, دعوات وآشعار وآغاني ,,, آقوال مؤثره وهمسات عابره ,,, حصريات وجريده تاتيانا الآخباريه}
آما التراتيل الزغيره والخاصه ,,, {هيا كتاباتي وهمساتي الخاصه ,,, قصصي وهواياتي ,,, مغامراتي وتحليلاتي ,,, وبعض الاشيا يلي بيخصوني}
وبوقت في أشخاص بيخافو كتير انن يطلعو ع حديقه او حوش بيتن بالليــــل لانن بلاساس بقا بيخافو من العتمه ، بس كتر خير الله انا مش خايفه ابدا من الليــــل بالعكس آنا كائن ليـلـي وبعشقـو وبقضي اكتريه اوقاتو في الحديقه او بالكونه غرفتي وبستنشق الهواء الطلق وانا في حضن الطبيعه (بكل الفصول عدا الشتي) ،،، ومرات عم اغفى ع المرجوحه ويصحوني اهلي ويخلص مناوبتي الليـليـه !!
✍....... a تـــاتــيـــانــــــا b
|
|