رحت جدة واتفاجأت من الناس
كلللهم برا بيوتهم ويتمشوا
بس وقت الظهر الدنيا فاضية !
جاء مطر جميل جميل يوم الجمعة والسبت استمر اغلب اليوم
غسل كل الغبار اللي دفننا قبله
والناس خرجوا مع المطر عالبحر والحدايق هههههههههههه
فاهمين الاجازة غلط وربي
ما قدرنا نروح أماكن عامة بسبب زحمة الناس نخاف يطلع أحد فيه كورونا
زرت جدتي وعمتي وأختي أهم شيء
ورحت مطاعم ورجعت
الشيء المخيف إن واحد من المطاعم اللي رحتها كان شبه فاضي مع انه معروف
انبسطنا فيه وجالسين ناكل ونتفرج عالمطر برا
لما رجعت بيتي الا ويجي خبر ان الشرطة داهمت المطعم بسبب اصابة عامل فيه بالكورونا
والشيء اللي أربكني مره ان عائلتي الجميلين مرضوا !
سخنوا واللي مزكم واللي يكح
مدري من المطر والا ايش ..
اللي طمنني ان حرارتهم ما ارتفعت كثير الحمدلله
واشتغلت عليهم بالعسل واليانسون والليمون
وخفت الأعراض دحين بقي بس الزكام والكحة
ناس مزكم وناس يكح
وعلى قولة بابا الله يستر منكم يا بنتي لأننا رجعنا علطول على بيته وسلمنا عليه
تعقموا ياللي تقروا كلامي
أنا سليمه لكن اللي عندي مدري عن وضعهم
بس يقولوا الكورونا لازم حرارة عالية ورعشة
الله يحمينا