تعال ياسكر نبات العشق ياملح القصــيد
غيبتك لي مده وانا اغني على طاروقها
قصيدةموالها تهتز له خضر الجريـــــد
ترخي هماليل المزون اللي تلوح بروقها
ماهي دراما اومسلسل تكتبه فجر السعيد
مشاعرتليق بي وانت وغلاك تلوقهــا
ناديت لك وانت القريب من المحاني والبعيد
وسقت القدم والا لغيرك مستحيل اسوقهــا
ومديت لك كف الرضا والعشق والعمر الزهيد
ومدلـــلك مثل الرجــــال اللـي تدلـل نوقهــا
واصبحت تسري وسط شرياني وترجع فاالوريد
تقفي وتقبل وانت لي طعـــم الحيـــاه وذوقهـا
ياراس مالي يوم مالي لاحساب ولارصيـــد
فالبنك والاسهم نموت ولادخلنــــا سوقها
تعال قربك عيد والبعد ضربه من حديـــــد
يامن تشب النار بغيابي وانا اطى فوقها
اشعلت بردي في دفاك وذابت امواج الجليد
اللي شواطيها تحرا فيّتك وشــــــروقها
وكتبت فيك اغلى القصيد يفيد والا ما يفيد
ابيات لاغنيتها تـروق لي واروقـهـــا
ارجع ولا ابغى لك عذرمن دون شرط ودون قيد
يااول هوى نفسي وتاليهم وغاية شـــوقها
احايل رفقتك والعمر ينقص مايــزيد
سنين ادوّر رفقة اللي رفقته مابـــوقـها
تعال وافعل ماتبي والله يفعل مايـــريد
اترك كلام اللي على السيره تبل حلوقها
أتمنى أن ترتق لذآئقتكم..
راقت لي
مع كل ـآلودوـآلورد لقلوبكم