أمس من القعدة في البيت غسلنا السيارات وكنسنا الحوش

اليوم مسكت ستاير البيت والكنبات غسيل

وجلسنا ندرس

سويت لبنتي كذا شخصية عساس معلمات للمواد
ابلى فهيمة لبستها نظارات وكرفته للرياضيات
وابلى خديجة تتحدث العربية الفصحى لمادة لغتي
وابلى حميدة تلبس ملون عشان تدرسها علوم
وابلى أسماء تلبس طرحة وتدرس مواد الإسلاميات
ومس مومو تلبس قبعة وتدرسها إنجليزي

كانت حصص ممتعة واهم شيء البنت تحمست تدرس
وطبعاً سوينا جرس بين الحصص بالطبله شك شك شك


اما الثانيه درست بس عن الأرقام ونامت < طالبه كسوله من بدايتها
مع اني جايبه لها هدايا وستكرات << ياحب البنات للستكرات


الله يقوينا احنا الأمهات مناضلات دائماً

وهم بس يمدحوا فالمعلمين والأطباء والجنود
طيب ومين طلعهم كذا ورباهم وكبرهم ؟!


أطالب من مكاني هذا بالشكر والتقدير للأمهات وشكراً