يا قلب ريح العرب .......... ما يبونك
وش ينفعك يا قلب تلعي .... وترجي
اقصى حصيلك بالعرب هي . غبونك
وانا ادري انك طحت من طاح برجي
يا قلبي حاذر والجم باقي ... جنونك
قبل مابيع احصاني وابيع .... سرجي
كم ادخرنا لاجل نسدد ........ ديونك
ضاع الحلال وضاع بالناس ... مرجي
مع انك غبت وغاب زولك ..... ولونك
بقيت ادور ذكرياتك ........... بدرجي
طبع الوفاء في دمنا ....... ما نخونك
لو بعتنا نمشي على العهد ..... درجي
تبي الحقيقة كيف انا انسى . عيونك
منها الحنايا تخلج اخلاج ..... خلجي
عفت المنام وجفني يفقد .... جفونك
وعفت الطعام اللي قنيته ... بخرجي
ودعتك الله ربي عوني ....... وعونك
يرحمك ويرحم يا هوى البال عرجي
القارظ العنزي