منع التجول .... بالحارة
حرمني من شوفة سارة
حرمني ركوب .. الغمارة
يا حسرة قلبي .. ياغبنه
سارة وان مرت .... عليه
ترسل لي البسمة . هدية
بنت لطيفة ....... وعذية
وانعم من مسحة الجبنة
سارة يا بنت ... الفلاحي
تعالي شوفي . مصباحي
شوفك اعيادي وافراحي
يا نور قليبي ..... يا زبنة
اذا ما شوفك .... لو مرة
ناخذ بالحارة شي . فرة
احس الكبدة .... محترة
وباقي الحنايا .. منشبنة
لا والله نفقد ... تجوالك
عسى عزانا ..... بجوالك
ترسل لي قبل . ارتحالك
والا ما شوفك ... للدفنة
سمعت ابوكم ... ينقلكم
نوى يبعدك .... ويبعدكم
خايف لكرونا .. تجلدكم
والقارظ من نشد ... عنه
عسى الله يرفع ... الغمة
واشوف الغالي .. واضمه
وان قرب وارخص . بثمه
اقول الغالي ....... ما منه
سوالف جابت .... الهرجة
والهرجة بالعرب ... درجة
لا والله طالت .... الفرجة
والقارظ يحسن .... بظنه
القارظ ما بخل .. . دونك
دايم عيونه ...... بعيونك
لو انك تبخل ..... بفنونك
القارظ يكرم ..... ... بفنه
حبيبي ........ لا تناساني
لو طال غياب .. الانساني
حاول تذكر ....... قيفاني
والقارظ يزعج ...... الونة
القارظ العنزي