صحورتي حنا لاباس الحمد لله
كديرة انت وكبقيتي نتمنى انك رجعتي فافضل حال
الله لا يوريك حالتي فاش شفت الفيديو من صدمة فقدت الاحساس والشعور
خاصة فاش شفت ان الناس متحمسة تقول قاعدين يخترعوا في علاج لكورونا
انت تفقصتي من بعيد اما نص الشعب منعسش بالفقصة ليلتها
المشكلة ان ناس طنجة كانوا كيعتبروا ناس الداخل بانهم اقل مستوى منهم فالوعي وتحضر
فاش وقع اللي وقع الوضع على شوي يتقلب لحرب اهلية
والكل تيقول انتوا كنتوا تعيرونا لكن صدمتونا وعصبتونا
لكن كلشي من راس البلا اللي معتبرين كورونا عقاب
وباش تزول لازم نهللوا ونكبروا ونستغفروا في الشوراع
ومن هنا كيتزاد كرهي لتجار الدين اللي كيرجعوا الناس عبارة عن قطيع خرفان لا يسمع ولا يقشع
اللعب على وتر الدين خلال هاد الفترة جريمة لازم يتعاقب عليها الواحد
خاصة ان الناس عندها جهل في الامراض الفيروسية وخطورتها وجهل مخبي عاد ظهر
الواحد يصلي ويدعي فسجوده ان ربنا يرحمنا و ينهي هاد الوباء يبقى عمل اللي عليه وهو في بيته
تفجعت من الغرامات عندكم احنا 300 درهم والا طلعت توصل 1500 درهم وشهر حبس
واضح ان فرنسا غادي تغلق بالكامل هي وايطاليا او حتى اسبانيا الا بقى الوضع على ماهو عليه
لان هناك اخبار تقول هاد الفيروس ممكن ياخد ليه ثلاثة اشهر وزيادة خاصة في اوروبا
لو بقت الشعوب ماشية بسياسة الاستهتار
واضح ان الكل خايف على اقتصاده لكن غادي يوصلوا المرحلة يا شعب يا الاقتصاد
وووهان توقفت بالكامل لمدة شهر واكثر وحدت الوباء وهنا لو توقفت اوروبا هاد المدة ممكن تنهار
ممكن في الاسبوع الجاي توصل الغرامات في فرنسا ل 5000 اورو مع تعامل بقلة الرحمة
اسال الله ان يختفي هذا الفيروس بلمح البصر رمضان قرب
والنفسية تحتاجه بكل اجواءه
المهم تهلي فراسك بزااااف وموووووووهات ليك انت وعبودي