..

برآي التعليم نفسو والمجتمع .. غزو الثقآفات بنظري شي اجابي ومش سلبي بالمرة
بس هيدا جيل تكنولوجي .. يعني زمان ع ايام جيلنا .. ماكان عنا اخطاء لغويـة هالأد
واذا منغلط كنا نتحاسب .. اذا مننسخ درس وخطنا مش حلو بتذكر كان تخزء لي الورقـة المعلمـة
وترميها بالزبالة وتخليني عيد .. تعليم قبل مش متل هلأ .. مع اني كنت ادرس لغات تانيـة .. !
بس ماكان عنا تكنولوجي هالأد ماكان عنا كل هالرفاهيـة اللي بتشتت ذهن الواحد
كتير من الأهالي بتحسن استسلموا مع اولادن وماصار ع بالن يتابعو او ينتبهوا عليهم
شو عم يكتبوا وكيف عم يكتبوا ..

المجتمع صاير عندو تقليد اعمى .. مع الخيل ي شقرا!
يعني طلعت هيدي لغة النت .. اللي بتكتب حروف وارقام ..
وما شاء الله الكل صار يتبعها ع اساس موضة وانو حدا هاي كلاس !
هيدي خربت الدنيي اكتر لأن بصير لا عربي نافع ولا انجليزي نافع ..

التعليم كمان إلو دور .. يعني المدارس اللي تتبع منهاج أمريكي متل اللي بدرس فيها ..
كل تركزين ع الانجلش .. بتلقى الولد من اصل 35 حصة بالاسبوع ..
بياخد يمكن 6 حصص عربي وكم حصة دين وخلصت! والباقي كلو انجلش ..
وممنوع يحكوا بالعربي ابدا كل الوقت بالانجلش .. حتى نحن بالادارة كل الوقت بالانجلش منحكي ..
كرمال هيك بتلقى الولد طالع واو بالانجلش بس العربي تعبان
لا والمصيبة بتلقاه فخور واهلو مبسوطين انو ابني اجنبي مابيعرف عربي!
واذا الولد مستواه ضعيف بتلقاه ضايع بالاتنين .. لا عربي ولا انجليزي

انا مع تعدد الثقافات واللهجات بس اهم شي كون متمكنـة منهم كلياتن ..
واعرف احكي واكتب كل لغـة بإتقان .. بس اللي صاير هلأ العكس للأسف ..

.

.


سؤالي ..
اذا بنت الجيران سلوكياتها مش منيحة او بنت مثلا عليها تحفظات شوي
واجى حدا سأل عنها بدو يخطبها .. راح تقول الحقيقة او لا .. ؟



.

.