دكتورتنا الرائعه
شهادتك الأحترافيه بحقي وبحق تقريري وكل تحضيراتو ,,, عنجد مصدر فخري وسعادتي وكتير غالي ع قلبي
لأنها شهاده صادره من شخصيه أستثنائيه جدا , مليانه ثقافة ومعرفه , متمكنه في الوصف والكتابه , مولعه بالطبيعه والجمال الرباني
تقييماتك في محلها وكلها دقيقه وعميقه لأنها نابعه من صاحبه الفكر العظيم والرؤيا النيره
وأنا شو بدي أروع من هيك ?!!
عطيتي حقي وحق تقريري بأرقى العبارات التشجيعيه وأروع آيات الوصف
ربي يبارك فيكي ويسعدك ويرزقك سعاده الداريين





دكتورتنا تسلميلي ياعمري ع كلامك بخصوص الفهرست
بتعرفي هيدي طبيعتي وهوايتي حابه قدم تقاريري ع شكل أبحاث علميه وفكريه وفنيه
واصرف فيه الجهد والطاقه والفكر والشغل يلي بلأيد , وقد مافيي بعطي من كل قلبي , وماابخل ع الشغل ابدا , وبحاول ادقق ع كل تفاصيلو , وبأذن الله اخرجو بأبهى طريقه وبلا أدنى نقص , وأهم نقصه المتلقي والزائر يستفيد من معلومات تقريري , ويتمتع بالصور والفقرات يلي حضرتن بأيدي ومن مجهودي

بخصوص المراجع والمصادر
سدقيني عزيزتي هني كتير كتار , محدا بيتصور أنا طلعت معلومات تقريري من شي 30 مصدر , ومحدا بيتصور بكم فلتر قللتن , وقمت بمقارنتن ببعض لحتى احافظ ع دقه وصحه معلوماتي , وبعدين قمت بلأختصار والدمج واعاده صياغه الجمل , البعض منن ترجمتن من الانجليزيه للعربيه واعدت ترتيب الجمل من جديد , مثل فقرات (نهر ريو حمزه , النهر الفوار , اطول نبات , وبعض اسرار الأمازون)
حتى لو بتلاحظي أكتريه الفيديوهات يلي حطيتن بنهايه تقريري , باللغه الآنجليزيه , لأني ملقيت نسخه عربيه منن , او لقيت جزء قليل بس قد مافيه ريكلام ودعايه لصاحب الفديو ,نصو مابيحكي عن المختصر المفيد , لهيك بدلتن بالنسخه الأنجليزيه .

وأكيد حبيبتي رح بتشرف أذا بيتسنا لألنا ونزور الآمازون آنا وياكي وكل عشاق الآمازون من روادنا .






بخصوص الصور كتير مسروره انن عجبوكي ربي يسعد قلبك ,وعطول تشوفي مناظر مبهجه وجميله وتسمعي خبريات حلوه وسعيده
بتعرفي غاليتي مهمه أيجاد الصور العاليه الدقه وذات التصوير الأحترافي والآلوان الطبيعيه (مندون تأثيرات فلاشيه او فوتوشوب)
هيدا كان أصعب بكتير من فقره جمع المعلومات والمصادر (يلي حكيت عنن في المشاركتي السابقه)
الصعب أني لقيت هالصور لأني خصصت وقت طويل لأيجادن خاصتا اغلبن من مواقع عالميه ومش موجودين بجوجل ,هلأ أنا جبتن ع جوجل , واهتميت بدقه التصوير وجوده الصور وأذا بتلاحظي بعض الصور كآنو فيهن حركه أو بتحسي جواتن روح قد ماهني بيترجمو سحر وجمال المنطقه !!
بس الآصعب كان وقت تقليلن لعدد مناسب تمايزهق القارئ , كل صوره احلى من ال2 , قلبي كان يوجعني لهيك بالعقل قللتن

وبعدين في مجموعتين كبيره من الصور
الاول // المجموعه المتنوعه حوالي 21 كروب
كل كروب منن , قمت بتجميع الصور وتزغير احجاما , ودمجا مع بعض , بشكل هارموني والوان تسر العين داخل خلفيه أسود , وكتاباتي الملونه
يعني التجميع كلو شغل حصري , متل هالصوره







ومع الصور التحذيريه للأمازون





والمجموعه ال2 هيا موسوعتي الزغيره تبع (أغرب حيوانات الأمازون) يلي عددن 11
كلوحده منن عمل كامل مكمل من شغلي , من الباك كراوند , جمع المعلومات وتزغير الصور , وأعاده كتابه المعلومات بخط واضح من خطوط الويندوز , وكل صوره تجمع حيوانين وكل وحده بلون خاص تتطابق مع لون الصوره
حبيت قدم بصمتي الخاصه بقلب هالتقرير وفرجي عن ذوق تاتيانا .