خبروا(ميل) الكحل عن رمش عينه"
"وعلمـوه انـه بليـاه اكتحـل!!


وانشدوا ذاك الشفق عن شفتينـه"
"هو صحيح انه من شفاته ثمـل؟؟


وأسألـو دمٍ (يبـش) بوجنتينـه"
"عن خدودٍ يشتكي منهـا الخجـل


كل ما ازجى :ضحكتةٍ مع يا سمينه"
"يلعب المرمر (بسلسال العسـل)!!


النسايـم مـا تهـب الا لعيـنـه"
"والنفـل لـولاه ماسمـي نـفـل


تنتصف كل:الشهور أعلى جبينـه"
"وكل بـدرٍ للدجـي غـاب وأفـل


وللحرير حكايـةٍ بيـن اصبعينـه"
"تبتـدي لأظلـم جديلـه وانسـدل


المرايا تستحـي توصيـف زينـه"
"ينكسر خاطر صورهـا لاوصـل!!


اشهد ان البرد ما صافـح يمينـه"
"يوم صافحت الدفا بـردي جفـل!


ان حكى له نبرةٍ ماهـي حزينـه"
"تتجـه بالـروح لديـار الامــل


بــه دلال:ودلـلـوه مدلليـنـه"
"يبتسم بين الهـدب بنـت وطفـل


ان زعل تزعل علي احلى سنينـه"
"وان رضى يزعل علي كل الزعل!!


ايه احبه وازعلـو يـا حاسدينـه"
"وأيـه لا شفتـه بلاحفـل احتفـل


ل..اتبعه لوللوهم مـوج وسفينـه"
"ان حصل لامـاه والا مـا حصـل


لايمي جعل العمى يمسـي بعينـه"
"وسـط عينـه لايميـل ولا يـزل