ياهلا والله بالنجم ضاوي
ماكنت متوقع الاقيك
يوم شفتك بين الردود على البيتين اللي كتبتها البارح
عزالله اني فرحت
حياك الله
وخذ هذي عشانك
دندن طرب شل القصايد وغني
اشعل فتيل الحرف يانجم ضاوي
مدام شفتك استلم قاف مني
جيتك تراني اليوم يانجم ناوي
برسل ترا صاروخ صوبك يحني
وهات ردك دام للرد قاوي
اعرفك شاعر بين الاشعار جني
من صغر سنك للجزيلات راوي
لكن انا بقلب لك الوضع بني
كنه منقع في دلال القهاوي
لالا تقول عني تبي تمتحني
انته نجم وانا تراني هواوي
وسلامة الجميع
بنتظر منك الرد يانجم
والله اني فرحان بملاقاك