04-09-20, 01:34 PM
|
#1 |
| | 
لاهنت يا عود بكفة تعلمت
:: الله على دنيا بها ما تبسمت ........... دنيا شقية تختلف بالطبايع
ياكثرت ما عانيت حزن وتأكدت .........أن المشاعر بين شاري وبايع
جربت أعيش بصدق لكن تندمت .......كل النفوس الصادقة في هلايع
لاهنت يا عود بكفة تعلمت
........أن الفضيلة تاج راس البضايع
شيخ تسد بموقفك لا تحزمت ...........درستنا طيب الأصول الرفايع
لو كنت قاسي يا عيوني وابعدت
.........في شدتك ذقت المحبة بدايع
رغم السنين الماضية ما تندمت ............ خير زرعته متسم بالطلايع جعلتني أفخر اذا قيل من بنت ؟ ...........أقول بنت الشيخ حلو الصنايع
روحي عسى تفداك ياابوي لا قلت
...........لبيه يا ريم العيون الوسايع
أمست ليالينا بحسك ولاشنت ..............حتى لو الايام جابت فجايع
لو خانت وجيه الخلايق فلاخنت ...........تسقي حنايا خافقك بالذرايع
وفيت مع ناس ردية وأيقنت ............ان الوفاء زرع يكيد الوضايع
أنا على نهج ابويه تعلمت
.........أن الوفا والصدق ساس الشرايع
الحظ لو عاند دروبي تطمنت ...........في يوم يرجع يبتسم مهو ضايع
وختامها يا مسك جيت و تاقلمت ..............رقيت مرقاب الخيول القلايع
الشعر يغريني وبه تسلطنت
............اجيب من جزل القصايد ضلايع
آخر كلامي ياجماعة ولا زلت .............اقول يا ربي تحفظ الودايع
قلم \\ ريم شمر الخميس \9\4\2020
حصرياً
|
|
|
|