صح السانك يا ريم شمر واستلم ي
ما جادت به القريحة بسببك :

ياللي على زين الطبايع ........ تسنمت
رباك عودك على زين ........... الطبايع
عز الله انك على ما قلت ..... واعلمت
ان الوفاء والصدق ساس ..... الشرايع
وانا كذلك في قوافيك ......... خيمت
واخذت لي من زين القوافي. .. قلايع
مرحوم يا عود من طبوعه .... تعلمت
شيخ على ما قلت قاسي ....... ورايع
كنه ابويه بالقسى .......... ما توهمت
ما لومهم كانت عليهم ........... وقايع
ايامهم صعبة وفي ظرفهم ..... حمت
وشاركتهم في بعض الصعوبة . طلايع
يا ما صبرت النفس يا بنت . ثم شمت
عن لقمتي والعلم بالناس ......... ذايع
تركتها من شان ناس لها ......... قمت
ارجي بها من يم ربي ............ نفايع
لا شك خاب الظن فيهم ....... ويممت
دار بها للمراجل .................. سنايع
نبي لنا عز عقب ............ ما تجهمت
وضافت بي الدنيا من لوع ........ لايع
والحمد للي له نصلي وثم ...... صمت
يسر لنا من الخير خير ........ النجايع
ومشيت في درب المعزة .... وصممت
ما همني بالناس من كان ........ ضايع
وعز الله اني يالغضي ...... ما تندمت
ودعت لي بفعل المثوبة ......... ودايع
هيضتني بالقاف يا سيدي ..... ودمت
ودام الوفاء في ودكم دوم ...... شايع
قلته وانا من شين .... وقتي تسممت
وقت به الشبعان ما عان ......... جايع
وقت ينام الذيخ واحوم ما ...... نمت
وشلون تنام العين والذيخ ....... فايع
ان لمت فعول الذيخ قالوا ..... تكلمت
قولك خطا وفلان ما كان ........ مايع
تغيرت طبوع الناس يا بنت . واسلمت
لظروف وقت فيه سباع ........ خنايع
حشمت نفسي وش اسوي .. تحشمت
اخاف من زود البلا ............ واللكايع