الفاضله / مشكلتي
وعايكم السلام ورحمة الله وبركاته
مساء النور
انا اللي يقولون حظي شين وكان هيك وهيك وماصار هيك يجيبون لي صدااااااااع
اللحين حجر والامه متنكده من المرض اللي طاير بدون طيار وتجين تقولين اعاتبه
لا وبعد تطلبين الطلاق
الله يسعد قلبه وهو تحملك ماطلقك من نفسه
وتبين الحقيقه انتي منتي نادره معقوله الله يخلق بينا نادرين مايتكررون !!
كلنا ناس لا نختلف لابشكل ولا احساس الاختلاف اللي بينا مجرد هبوب اشبه بهبوب الرياح
و طالما في موت وحياه يعني النادرين كثار طب واختار
فاذا حابه تكوني نادره خليك من العتب اللي مو في مكانه اضافه حجر وفاضي رايق لك هو ؟
روقانك وزعيه واشغلي نفسك بنفسك
ابعدي عنه خليه يشتاق لك ماتركتي له فرصه يشتاق وتبينه يهتم
ترا هذا مو دلع انك تقولين طلقني ولاهي كلمه ممكن تخليه يهتم فيك
لو تقولينها في وقت قافله معه قالك طالق بالثلاث وش بتعملين وقتها
يبدا الضغط والسكر عندك وسهر الليالي وذكريات الحب القديم
الاهتمام اطلبيه لمن تكوني مقابلته اربعه وعشرين ساعه
وانتي في بيت اهلك اتركي الاهتمام في اجازته بدري عليه
اضافه الى انك سلبيه وش رايك تبحثين لك عن كتب مناسبه تقضين وقتك معها هذه الايام
طالما حجر استغلي الوقت ونمي عقليتك واكتسبي نمط تفكير اخر تعلمي التعليم مو عيب
ومفيد لك في الايام القادمه بعد الحجر
الله يصلحك ويهديك ويسعدك ويموت شيطانك اللي يوسوس لك
تقبلي ردي وعبق وردي مع خالص احترامي لسموك
آسيرة حرف