مسيتم بالخير جميعا
كيفكم ؟
شايفين اللي فوق بالصوره والله ياهو غابنّي
هذا انا طلبته من لندن من وحده كانت جايه وجابت لي
بس صراحه والله خساره فوق العشر علب صلاحيتها انتهت
اول الفتره يا اني كنت متحمسه اخذها بنظام وانتظام
لانها بس فيتامينات على قولتهم ، حقت ( الشعر + والاظافر + والبشره ) وما لها اي اعراض جانبيه
وطبعن هذي اول مره بحياتي غامرت واقتنعت اخذ هيك ادويه
لكن اكتشفت شي بعدها سلب كل ابو حماسي
تخيلو اول كان علبه وحده هنا بالسعودية ب 240 تقريبا
والحين فقط بثلاثين ريال !!!!!!!
اموت واعرف ويش سبب تخفيض سعرها كذا فجاة ؟
والله هالشي خلاني اوسوس صدق واوقفها حول ثمان تسع اشهر
لكن امري لله بديت اخذها ثاني الحين بعد الكثير من التحقيق والتاكيد عنها بس واضح الحماس ابد مو ذاك الزود
لاني وحده يالله ترضى وتعترف بشي اسمه دواء او ادويه ، سواءا يكون بروفين او حتى فيفادول وبنادول ، انا ما اخذهم الا بحالات طارئة جدن
ومحد يقدر يعرف انو هالشي كيف مريحني ومحميني بعد الله من الامراض

المهم شسمه حاولت مع اخواتي ياخذون هالفيتامينات معي ولا تروح تترمي
بس ما منهم فايده اخذو حول خمس ست ايام ، واول ما درو اني مو معطيهم الا عشان صلاحيتها ع وشك الانتهاء هههههههه بطلو ههههههههههههههههه

والله ما منهم فايده الحين وين بيلقون اخت مثلي يهتم فيهم تسذا ، كنت مستعده اذكرهم كل يوم بعد وجبتهم الرئيسية بس ماش ما قدرو مجهوداتي ههههههههه

هالفيتامينات عذروبها مثل باقي الفيتامينات انك ما تقدر تاكل ببطن فاضي لازم يكون الكرش ممتلئ ، عشان تسذا انا بعد دايما اتهاون واحيانا انسى

وبالنسبه لمفعولاتها صراحه ما لاحظت اي تغير
بس اللهم اظافري كانت تتكسر كثير بس الحين احس فيه تحسن
والشعر بعد ما لاحظت فيه اي تغير زي ما هو
اما البشره نقدر نقول شي من لا شي كنك حاط بي بي كريم ههههه

وطبعن اكثر شي اللي استفدت فيه باستخدامها ما يصلح اقوله هنا بمكان عام
> اصلن مين قلك تقولين ههههههههههههه
مير الصدق هالشي الوحيد اللي خلاني اتمسك بهالفيتامينات للحين
لدرجة ما اعتقد حتى بالمستقبل اقدر استغني عنها