حأكتب موضوعي بشكل ارتجالي جدا بعيدا عن المثالية ....

سرت الاحظ الاغلب اذا دخل العالم الافتراضي تحت مسمى النك نيم
يقل ادبه ويجرح ويهين ويمزح بشكل مؤذي
وبعدين يجي في واقعه يقول والله انا مستحيل اجرح احد وانا مستحيل اسب احد

طيب ليش ماتطبق الكلام دا حتى وانت تحت النك نيم!!!

يعني تحسب ادا اتجرّدت من اسمك مافي شي اسمو حساب وعقاب عند الله!!


ياليتنا نمثل نفسنا الطيبة واخلاقنا العالية حتى واحنا تحت نك نيم
وياليت نفهم لمن نكتب شي يضايق احد وينام الأحد وهو زعلان من كلمتك ومن قهره قال(حسبي الله فيك)

حتصيبك فين ماكنت
سواء كانت بشكل لحظي او حيأجلها ربنا لحكمة
.

ترا مرات التعاسة والضيقة وعدم التوقيق تجينا بسبب عمل او اذى سويناه في حق شخص وحسبناه انتهى ومالو أثر او قيمة

انتبهوا الا اذى الناس ، كبير عند الله سبحانه تعالى حتى لو بمقدار ذرّة


.



عندي مبدأ وان مرات بزل ومو جالسة اطبقه على اكمل وجه ..( قبل لا اقول الكلمة احط نفسي بدال الشخص الي حيسمعها )


.




رأيكم؟