هي دردشه كانت بيني وبين فداهم

فصندوق المحادثات
اتمنى تروقكم


انا فداهم
شي يخصك باقي عندي قلب من دونك وحيد
ما يبي يبقى معاي يا اجيلك ......... او يجيلك

ليه كل عيد انتفارق ... صرت اكره كل .... عيد
وانت فارق في غلاتك وقلبي ما عنده ...بديلك


اختلفنا وما عرفنا شنهو الراي ...........السديد
يا تضحي في عنادك يا أضحي قي .... سبيلك

احلام عابره

لو تبي الفراق قلبي عن غلاتك ما......... يحيد
باني فخفوقك سجن وقلبي بطيبه ...... نزيلك

انا فداهم

يسألوني الناس عنك وليه ما أكتب قصيد ؟
قول لا تسكت تكلم وش أجاوبهم دخيلك.؟

احلام عابره

ليه حنا من بد البشر مالنا حظ.... .سعيد
تنقلب كل الموازين اذ نويت بيوم اجيلك

انا فداهم

المشاعر من غيابك يا دفا إحساسي جليد
طحت من عيني لقلبي وماقدرت اني اشيلك

احلام عابره
في غيابك المشاعر كنها صحاري...... بيد
ضاميه عروقي ولا ترتوي الا من سلسبيلك
انا فداهم
يشهد الله من رحلت وفي حياتي ، لا جديد
وكل ما ألمح سرابك أرتبك الله .......وكيلك

احلام عابره

ان جيتني مرحبابك كان هاذ اليوم ...عيد
لو يلوموني العواذل من قلبي ابد ماشيلك

انا فداهم
حالتي صعبه بدونك وكيف حالك يا بعيد ؟
أشتكي منك إليك ومن جروحي أشتكيلك

احلام عابره
افرد اوراقي واشوفك تسكن بيوت القصيد
وانثرحروف الاماني ومن شوقي لك تغنيلك

وسلامتكم