بانت علومك واضحة ما بها .... شك
كثرت عناوينك وشالت ..... بالاخبار
ما كنت اظنك مثلهم تستلم .... شك
عايش على قرش الحرامي وسمسار
كنت احسب انك طاهر الكف والفك
واثرك كبير القوم شيخ ..... بالاشرار
لو يجتمع لك بالعرب قيس مع . عك
ما يرفعونك وانت ما تحيي .... النار
الله من هم سرا ودكني ........... دك
هم مع حمول ثقيلات .......... وكبار
ولا به قريب فزعته تجلي .... الضك
ولا من صديق يحفظ السر .... ستار
ما حك جلدك مثل ظفرك ... الياحك
ولا زاد همك مثل خيك ....... اليابار
عليك باللي قدم الروح لك ..... صك
لو هو بعيد بالنسب نايد ........ الدار
وعليك باللي من عيالك ....... اليادك
يخفي عدوك من حياته .... والاذكار
ولا يعزك بالولد كل من ............ لك
غير الذي يفهمك من غير وش صار
ولد ظهرك اللي عن الروح .... ما فك
يفهم مراميعك ويدرك لك ...... الثار

القارظ العنزي