04-17-20, 09:31 PM
|
#1 |
| | 
والغضي لا زعل.....شيّ!!
بسم الله أبدأ
:::::::::
الجادل اللي ضحكته بسمة الحيّ
كل البشر من شان زينه تداريه
ضحكة غنج مع زود فتنه على غيّ
سبحانه اللي صاغ حسنه و معطيه
حتى الزعل في وجنته زادها ضيّ
بالعمد نزعل حضرته ثم نرضيه
الناس تزعل والغضي لا زعل شيّ
شي ٍ غريب ولا وصفنا معانيه
انت الغدير اللي سقى مهجتي ميّ
مي ٍ روينا و أرتوينا سواقيه
وانت الظلال اللي عطى عمرنا فيّ
في ٍ نسانيس الهوى عامره فيه
وانت الذي حطيت كي ٍ على كيّ
كي ٍ قديم و كي وصلك يشافيه
وانت الذي حبك ترى مـثـــّـر ٍ بيّ
تأثير واضح بيّنت بي مواريه
أرجوك داري خاطري دامني حيّ
قدام حسّـاب الخطا و المشاريه
وإلا ترى الأوضاع من سي في سيّ
و أظن مثلك ما يبي زود تـنبيه
قلم: بو نوره
|
|
|
|