مهما كبر عندي ..... غلاك
يبقى العتب ما له جواب
تركتني ربي ........ حماك
في لحظة كلي .... عذاب
وعدتني في وعدك .. ذاك
وصار الوفاء عندك سراب
حرمتني فرحة ...... لقاك
وبدلتها طول ..... الغياب
تبقى عيوني في .. سماك
ترقب رجوعك .. والاياب
قصة هوايه مع .... هواك
ما تنتهي في قفلة .. باب
ما ظنتي بالقى .... سواك
يا سيد ترفات .... القباب
اعلم ترى عيني .... وراك
مهما تستر ........ بالنقاب
وقلب العنا دايم ... معاك
مهما انجرح منكم وذاب
تبقى حبيبي ..... يالملاك
ويبقى ترابك لي. .. تراب
القارظ العنزي