الا يا ليت جمهوري يجي ويشخص ..... الحالة
الا يحظ من يفرح بشوفة عين ........ جمهوره
احس بحالتي القشرا تسبب ليه ........... بقالة
واحس بقلبي يتمزع لشفنا باهي. ...... الصورة
صغير وشايل الدلة يزهاه البيت ........ ودلاله
يعرف الماكر العالي مواكر نادر ......... صقوره
الا يا لايمي وقف ترى قلبي ما ........... هو آله
ماني مثلك يا متهني لو عمك زايد ....... جوره
انا ماقبل مثل حالك ومثلك راضي ...... بحاله
اما ارجع والغزو كاسب والا مدفون .. بالجورة
حياتي ما هي مقسومة ما بين العم .... وعياله
اما تاتي لي القسمة والا اقطع دابر ...... البورة
حرار ووكرهم واحد ما صارت يا ولد ..... خاله
لا بد ما واحد منهم يغيب ويترك ...... قصوره
يغيب وراضي وطايع والا يوطى على ... جاله
هذي هي حالة النادر ما يقبل لعبة ...... الكورة
النادر يفرح بموته لو شاف الموت ... ... يغتاله
يموت بعزته راضي ما يقبل عيشة ...... العورة
كم واحد عيشته بامه ما همه قول ....... عزاله
مبسوط ويضحك الهامل غيابه يشبه حضوره
وعجوزه تمسح الدمعة تخفيها في طرف شاله
من نار تشتعل فيها تزيد الأم ........... بحرورة
الا يا خالقي ترحم ضعيف حالته .......... حالة
ما له غيرك بهالدنيا يدعيك بنفس ..... مقهورة
يا ربي فرج الكربة للقارظ ضايق ........... باله
همومه زادت وقلبه تحطم بين ........ جمهوره

القارظ العنزي