وعليكم السلام ورحمة من الله وبركاتة


أمس بالحقيقه كتبت لك رد وللأسف راح بسبب تحديث الصفحة



الأهم من كذا .. راح أوصل لك الفكرة بإيجاز
بما انه لله الحمد تم زواجكم على خير وما يقارب سنة ونص

الله يتممه ويقومه ويحفظة للأخير ... بالنسبة للطلاق مفروض ما تفكري بالفكره
مابالك أنك قلتيها وذكرتيها >> هذه مشكلة بحد ذاتها كبيرة ولا تنسي اعاده الكلام تضيع من قيمتة



بما أنك خلاص قلتيها وما يفيد المعاتبة ...
الحين أبو زوجك (عمك) بالمستشفى .. يعني زوجك منهار من كل الجوانب
انتي الحين تزيدي الطين بله ... تزيدي المشاكل فوق راسه بعدك ..!!
بالهفتره أنسي مشاكلكم ... أو مشاكلك الأصح
كوني له دعامة راحه ومسكن لجميع الالام اللى تجتاحة
لا تخليه ينفر منك ويشوف بعدك راحه وقربك عذاب
لا تخليه يبحث عن بر الأمن غير فبيته بسبب الحاح الزايد
خلي نفسك مكانه ... قبل لا تجي ترسلي أو تتصلي
أعتبري أنه تم الحوار وحسبي المشاكل


صح أن الشفافيه بين الزوجين حلوة
ولكن أختيار الوقت المناسب والمكان المناسب شي ضروري
والحاح شي اخر ... مختلف عن الحاح الدلع فانتبهي أختي من هذه الناحية
والله يقوم عمك بالصحة والسلامة ويحل مشاكلك بكل خير