>×<{ داري نفسك لاتخليها }>×<
لا تحط الشوك في طريق المخلوق
يبلاك ربي و تنسى نفسك و تدوسه
من تمنى لغيره العوق يجيه العوق
لا أحد يغتر بدنياه تنقلب وتحوسه
نصيحة نقولها ما تلقاها في السوق
ترى مايجهلها إلا النفوس المتعوسه
ترى الحياة ممر ولا لها شئ يعوق
ونهايتها اعمالك طيبة او منحوسه
داري نفسك لاتخليها تجرك للفسوق
وتالي الوقت مثلك لايغره هاجوسه
ليا ضاق صدرك اذكر الله لبد تروق
وتصدق لو باليسير يا جامع فلوسه
الشاعر/ حمد بن فهد المخالدة السبيعي