السلام عليكم ورحمه الله رمضان مبارك عليكم على الجميع
بناااات تكفون وش الحل مع هالادميه ناشبتلي نشبه ببلعومي ..سالفتي ان ف احد برامج التواصل كان ف قروب تفسير احلام وكنا نحن يالعضوات بين فتره وفتره نحط مقتبسات كلام ونرد على بعض مثل جزاك الله خير او مشكوره او ..او..المهم مره من المرات ف القروب هذا طلبت يدعون لي ف امر معين وتلقيت دعوات منهم جزاهم الله خير بس فيه وحده من العضوات كنا نتفاعل مع مقتبسات بعض من الي نحطها من قبل ..ف دخلت علي خاص وقالت ابدعيلك بالي تبين قولي وش تبين ادعيلك وايش اسمك عشان بخصصك ف الدعاء صراحه تعجبت من موقفها وطيبتها وشكرتها وقلت لها انا راح ادعيلك بعد المهم ومن بعدها تعرفت علي شوي شوي ومن اول ماتعرفت ترسلي كلام بيسات دايم ومقاطع عن علي النجم اذا تعرفونه ! والصداقه والاصدقاء وبين فتره وفتره نسولف وشوي شوي وعرفت عنها اشياء عمرها ف الاربعين وغير متزوجه وطيبوبه بس احس كلامها اصغر من عمرها بكثيرر ..انا اصغر منها بكثير ..المهم بدت تزعجني بكثره الرسايل حاسه ان فيها جفاف عاطفي بقوه وضافتني ف كل البرامج ازعجتني ابي اضيفك ابي اضيفك وانا ماراح انساك وابدعيلك دايم تكفين لاتتركيني انتي صديقتي وتؤم روحي وبدت تغار عندك احد غيري !! ولو ماديت عليها تزعجني اكثر وليش متغيره علي وترسلي حساباتات ثانيه ان لاتضيفينهم ذولي فروقو بين وبين صديقتي عشرين مره ترسل حساباتهم وتقول انتبهي لاتضيفينهم وياخذونك مني ومدري ايش احس فيها شيء مو طبيعي ماخلتني ارتاح ف كل البرامج لاحقتني وترسل لي قلت لها كم مره الواتس لاتكلميني فيه يكفي البرنامج الي حنا فيه وماتفهم ترسل لي كل يوم ع الوتس انا قلت لها انا مشغوله عندي بيت والتزمات خليها بين فتره وفتره نسولف بس هي ماتفهم او تستغبي ارسلت لها برنامج ختم قرآن قلت يمكن تنشغل عني شوي وتفك بس مافيه فايده ياليت ماعطيتها وجهه من البدايه ازعجتني ليل نهار جاملتها كثير طول هالفتره ع حساب صحتي ووقتي انا هنا خلاص بقطع العلاقه ماارتحت لاهتمامها الزايد فيني وتعلقها هذا كله ف اسبوع والله العظيم انتو متخيلين !!

📍بس كيف انا مااحب اجرح احد عطوني طريقه تصير تبتعد من نفسها لان طفح الكيييل مااقدر احط بلوك على طول صعبه كذا هي مره طيبه وتكسر الخاطر وساذجه ونشبه وماتفهم او تستغبي وقد سويت لي سهم خيري بأسمي ماانكر افضالها علي بس هي ازعااااج ليل نهار شيء مو معقول وضايفتني ف كل البرامج حتى الكيك وتلاحقني ورى كل برنامج ادخله وترسل عمرها 40 سنه وانا ف20 ومخوفني تعلقها الزائد فيني واهتمامها الي مو طبيعي
ابي طريقه ذكيه تروح من نفسها بدون مااجرحها انا ماااحب اجرح احد لكن وشلون وش اقول لها ؟

.. وس اسوي مع هالادميه تكففون والله لادعي لها بصلاه الليل الي تفيدني 😭🙏🏻