ليكي حياتي مشكلتك كتير بسيطة
بس بدا توازن ..
اكيــد ماتقطعي قطع كلي هيدا منو صح ..
وبنفس الوقت كل شي بزيد عن حدو بينقلب ضدو

القهوة بمستويات معتدلة مفيدة للجسم خصوصاً الكلى .. وبمستويات عالية راح اضر الجسم
وخصوصي الكلى والقلب .. وهيدي خديها مني لأن عن دراسـة

انا بصراحة كنت ادمان كابيتشينو اللي بكون فيه دبل سبريسو
وكمان ادمان غازياات .. مع انو مجال دراستي وعارفة خطورته وسلبياته
والله كانت تمر علي ايام .. اشرب مرتين وتلات علب بيبسي بالنهار ..

بعدين صفنت مع حالي انو امال وبعدين .. بعدك صبية وعم تهملي جسمك هيك
انو شو راح تستفيدي الا الامراض والتعب ع بكير والدنيي لسه قدامك

فـ اعتدلت واكتر من اعتدلت حتى .. هلأ صرت كل اسبوعين مرة لأشرب مشروب غازي
ومابكفيـه .. يدوب نص العلبة او اقل وبرميها .. !
مش مضطرة اخسر عظامي واسناني ويصير عندي ضعف عام بعضلات جسمي
كرمال ماي كربونية ملونة .. !

القهوة زات الشي .. انا بحبا كتير .. بس خلص الي معيار معين باليوم ..
بشرب مرة وخلص وبكون بعد مااتروأ وخلص فطوري مش ع معدة فاضيـة

بشرب مااي كتييير منيح .. وبلعب رياضـة 6 مرات بالاسبوع
تعي شوفيني هلأ .. مناعتي ممتازة .. جسمي رشيق ومرتب .. بشرتي صافيـة
كتييير تغيرت عاداتي الغذائيـة .. وعلى اساسها جسمي تغير للأحسن ومناعتي كمان ..

ليكي خليها اسلوب حياة اكتر من انو عقاب .. هيدا لازم وهيدا مش لازم
لا برمجي جسمك انو بدك حياة صحيـة .. كلي وانبسطي وماتخلي شي بنفسك بس باعتدال ..
عقلك هو ميزانك وهو اللي لازم يميز انو هيدا كتير او قليل

بالتوفيـــق ان شاء الله

.
.