تعرفي جارتي أم نايف؟ جارتنا اللي ساكنه بجنبنا من غاد؟؟.. أكيد ما تعرفيها..
المهم عمرها حوالي 75 سنة...
من تجوزت قبل 50 سنة عايشة ع روتين واحد..
تصحى الفجر تخبز، تخلص تقريبا الساعه 7 الصبح وتعمل بعدها فطور لأولادها وبناتها..
المهم بعد ما يفطرو اولادها وبروحو عالشغل أو المدرسة ( حسب التسلسل العمري) تطلع عالسوق تجيب اغراض البيت وترجع ع بيتها تجهز الغدا وتغدي اولادها وبناتها وبعدين تبلش بحفلة الجلي وبعدها الغسيل وتخلص تقريبا قبل المغرب، بعدين تطلع عالبستان تنكش بالارض وتزرع وتحفر وما إلى ذلك، بعدها طبعا تبلش تجهز بالعشا..
كان عدد اولادها وبناتها 11 نفر... ويتامى أب.
المهم ربت ال11 نفر وكلهم هسه دكاترة ومهندسين ومعلمين ما شاء الله...
اقصد بهالقصه هاي انه يعني الزوجه بتقدر تقوم بكل شغل البيت.. وتقدر حتى تقوم بدور الرجل بالبيت اذا ما كان موجود، احنا اللي بنخترع الملل وعدم المسؤولية واحنا كمان نصنع الارادة والعمل والمسؤولية...
ما أدري زمااان الحياة يحكو انها كانت أصعب ومع ذلك ما كانت الناس تفكر لا بخادمة ولا شيء والمرأة بكون عندها مسؤوليات حتى خارج المنزل.. ومع ذلك الحياة ماشيه أحسن من هسه.

بالتوفيق.