توك صغيرة وابتديتي تحبين
من علمك ليل السهر ياصغيرهـ
×××
بدري عليك العشق يابنت هاللحين
حرام هذا القلب وينه مصيرهـ
×××
انتي برئيه في الهوي ليه تشقين
صدماته لقلبك تراها خطيرهـ
×××
عيشي الطفوله واتركي الحب بعدين
و دروبه الطويله عليك عسيرهـ
×××
الشوق يفضح لأنكشف داخل العين
وانتي بنفسك ماهقيتك بصيرهـ
×××
ان كان قصدك بالمحبه تسلين
بالعكس بتشوفين همٍ وحيرهـ
×××
الحب قبلك هز ..ناس.. كثيرين
خلى القلوب تعيش خوفٍ وغيرهـ
×××
طيعي كلامي واحذري لاتمادين
تراجعي لعل في الامر خيرهـ
×××
عيشي الطفوله والبراءه لك سنين
وبعدين حبي لاغديتي كبيرهـ