يا دمعة حطت من الموق .. .. والعيني
على رفيق صار يرسل .......... رسالات
شفت العنوان وقلت مرحب . بغاليني
واثر الرسالة يم نجم ........ الخوندات
حياك ياللي بالقوافي ...... .... تناديني
يا مرحبا بك عد وبل ......... السماوات
وعداد رمش عيونهن ...... . يا معنيني
اللي لهن بالشوق سرحة ...... وهومات
يا صاحبي دايم على الراس .. تعطيني
وتبدي الضاوي بزين .. ... الحفاوات
وان جاتك الفرصة على الدرب ترميني
ويشهد على قولي كثير ..... المحطات
انا اتشره والا الجد .... ....... تغليني
لكن قهرني ابو ضاوي .......... بشغلات
اطرد وراء الخفرات حافي ... برجليني
ويمرني وياخذ صيدي ....... بالاوهات
وانا اتفرج بالبلا وافرك .... .. .. يديني
الله من حظ لا حي ولا ............ مات
ان كانك تقدر على الحق ...... وتعيني
خذني عن الضاوي بعيد .... المسافات
حتى اسمه سبب بالاذاني ..... طنيني
واحس من اسمه بالزلازل ... . وهزات
هو عقدتي يالقرم وانت .... والفطيني
احذر من الديبان والموت....... لدغات