هذا هو واقع الحال
الله المستعان
بسم الله أبدأ
::::
يا بو حمد بعض الروابع باسها باس ٍ شديد
تضيّع الرجال بين اخماسها و اسداسها
بادت بي الحيله و عـيّـت لا تهيد ولا تبيد
دعوى تمادت ما عرفت شبورها و قياسها
ايام أصامدها وأفلّ أم الحديده بالحديد
وايام أسالمها وأحب خشيمها مع راسها
الله من بعض الهجوس اللي تـدفــّــق بالوريد
تعذب الأجواد خصّ اللي رهيف إحساسها
خلقت في الدنيا وحيد وتالي ايامي وحيد
ومن المراره ذقت طعم الحنظله في كاسها
عيني على نجم الجدي والتاج في كتف العميد
والجوهره ما أعلم بـ فضتها ولا بـ ألماسها
بين البشر متبـلـّــد إحساسي ولو ماني بليد
إذني صمم لو هي تدقّ طبولها و أجراسها
صبرت غير الصبر بعض احيان طبـّـه ما يفيد
يلاحي جروح ٍ تـعــدّى راسها كرياسها
أبغى الجمايل والظروف تـلــيّــن الراس العنيد
كم من صليب ٍ طـوّعت باسه بـقـوّة باسها
والناس ما تقبل عذر لو جيت بالعذر الوكيد
واللي نصاك يفـنــّـد أعذارك وينقض ساسها
قلم أخوكم ـ بو نوره