السلام عليكم .. اولاً كيف الحال جميعاً حبيت اشارك في هالقصيده ..
لكم التحيه والتقدير ..


ماعاد باقي بالعمر كثر ما راح
ولا عاد فيني حيل لمطاول الليل

تعبت أداوي جراح وأستنسخ إجراح
وإهموم قلبي مقفيات ٍ مقابيل

خلاص أبعد وأترك الهم وأرتاح
مالي ومالك يالرموش المظاليل

لاهوب مغريني شذى عطر فوّاح
ولا سلهمة عين ٍ تحيك المحابيل

لا خصر يعني شي لا قّد فضّاح
إليا تمايل روس خلق الله تميل

يا وجه ربي صارن إبعيني أشباح
بيض العذارى لابسات الخلاخيل

ما راح راح وباقي ٍ شي ما راح
ذكرى عليها القلب جّر المواويل

فإن طحت ماني باول إنسان قد طاح
قِد طاح قبلي بالمحبة رياجيل

عشت الهوى يوم أكثر العشق ذبّاح
وعفت الهوى يوم اكثر الحب تمثيل

وسلامتكم ..